EL EMBARGO

" Señor jues, pasi uste más alanti
y que entrin toos esos
no le de a uste ansia
no le de a uste mieo
si venis antiayer a afligila
sos tumbo la puerta
¡Pero y´a s´a muerto!
Embargal, embargal los avios
que aquí no hay dinero
lo he gastao en comías pa ella
y en boticas que no le sirvieron
y eso que me quea
porque no me dió tiempo a vendello
ya me está sobrando
ya me está gediendo.
Embargal esi sacho de pico
y esos jodis clavos en el techo
y esa segureja
y esi cacho e liendro
¡ jeramientas que no quedi una!
¿ ya pa que las quiero?
si tuviera que ganalo pa ella
¡ Cualquía me quitaba a mi eso!
pero ya no quiero vel esi sachu
ni esos jodis clavos en el techo
ni esa segureja
ni ese cacho e liendro
¡ Pero señor jue cuidaito
si alguno de esos
es osao de tocal, a esa cama
andi ella s´a muerto :
la camita ondi yo la he querio
cuando ambos estabamos güenos
la camita ondi yo la he cuidao
la camita ondi estuvo  su cuerpo
cuatro mesis vivo
y una nochi muerto
Señol jue: que nenguno sea osar
de tocali a esa cama ni un pelo
porque aquí lo finco
delante uste mesmo
lleva selo todo
todu menos eso
que esas mantas tienin
suo de su cuerpo
y me güelin, me güelin a ella
caves que las güelo. " GABRIEL Y GALAN